انا محتاجه رأيكو جدا ياريت تشركوا فى الموضوع

انا قصتى يمكن تكون مش صعبه اوى بس المشكله فيها انا شايفه انها كبيره ومش عارفه اعالجها ازاى انا محتاجه راايكوا اوى ياريت

انا عندى 20 سنه ولسه بدرس وكنت فى اول فتره المراهقه نفسي احب واتحب زي اى حد بس لاسف معرفتش لانى مش من نوع انى باخد
على الناس بسرعه او اتعود على حد مع انى كان فى اكتر من فرصه انى ارتبط وبنى ادمين كويسه كمان بس معرفتش
وكان من المستحيل انى احب حد ومن فتره كدا تقريبا من 3 شهور اتقدملى ولد يخطبنى من غير مايكلمنى كلمه حتا
وانا احترمت ده فيه انه محترم ومؤدب وابن ناس ورغم كدا سنه مناسب وعاقل عنده 27 سنه وكان من المفروض
انى اوافق لانه كويس ومش فيه حاجه عيب خالص وانا كمان مش مرتبطه ولا بحب حد فكانت فرصه كويسه
والكل اجمع انه كويس وانى اوافق واجرب وافقت عليه وقرينا فاتحه وياريتنى ماوفقت اصلا
مش عشان هو وحش لا هو كويس جدا بس انا ولا عرفت احبه ولا اتعامل معاه ومن اول شهر
وانا فكرت اسيبه بس قلت لاافكر كويس وصليت كتير صلاه استخاره المهم انى بلغت اهلى انى
مش حعرف اكمل معاه ولا اكمل الموضوع وبابا كان معارض بس فهم وجهه نظرى واقتنع بيها
والمشكله بقا الاكبر ان امى ضدى تماما وبتقولى ده نصيبك وكويس وارضى بيه ولو سبتيه
ربنا حيغضب عليكي وانا غضبانه عليكي ومفيش حد كويس دلوقتى وكلام كتير ومعامله وحشه اوى منها
وانا مش عارفه مينفعش ارضيها فى الموضوع ده بالذات رغم انها بتضغط عليا بجميع الطرق انى مش حكمل تعليمي
وانها حتطلع ععليا كل ده وانا خايفه جدا من كلامها ده ومن غضبها عليا ومش عارفه اعمل ايه وفى مشاكل طبعا
مع والدى منها لانه معايا بس انا لو كملت معاه حظلمه واظلم نفسي وانا مش عايزه كدا وانا لسه صغيره ودى كمان
قري فاتحه يعنى على البر اعمل ايه ياجماعه بقا

طلاما انتي مش لاقيه نفسيك معاه او انتي مش بتحبيه خلاص مش مهم ده في غيره كتير وفيه ناس محترمه كتير ولازم تكوني انتي سعيده معاه واهم حاجه يكون محترم ولو انتي مش عاوزه العريس ده سيبيه وطلاما باباكي موافق خلاص
وانا اشرحليك وجهت نظر مامتيك ان هي عوزه تفرح بيكي وخلاص ومسسسدقت تلاقي شب كويس في الوققت الحالي بس في كتير شباب كويس وممكن تكون فكرا ان البنت لو عدت سن ال20 ومتجوزتش يبقي ضضاعت ممكن يكون ده تفكيرها
وعلي فكرا انتي لسه صغيره علي الجواز وانصحيك نصيحه متجريش وراا الحب اهم حاجه ان انتي تكملي دراستيك ومتخليش حد يخليكي تسيبي الدراسه لازم يبقا معاكي شهاده وبعد كدا تبقي تفكري في الجواز عادي تحبي وتتحبي بس لازم دراستيك الاول واهم من الحب والدراسه ان انتي متبعديش عن ربنا وان انتي ترضي بابا وماما وبعد الاربع حاجات دول تفكري في الجواز والكلام ده

وعلي غضب الام عشان هي غضبانه يبقا ربنا غضبان عليكي هي دية معلومه صح بس في حاله وحده ان هي تكون الصح لاكن ربنا راضي عنيك حتي لو مامتيك غضبانه طلاما انتي بتعملي الحاجه الي متغضبش ربنا وان انتي عارفه ان انتي هتظلمي نفسيك وتظلمي العريس لو وافقتي دوت لو عملتيه ومامتيك غضبانه ربنا مش هيفضب عليكي

وربنا يوفقيق واعملي الي في دماغيك وطلاما بااباكي موافق خلاص

ودية من وجهت نظري انا

مرسي اوى انك قلتلى راايك واكيد هو ده اللى لازم يتم وربنا يكرم

اولا احب احيكي على طريقة سردك للمشكلة بجد طريقة جميلة وواضحة

ثانيا انا من رأى ان طاملا مافيش قبول منك يبقى ايه لزمتها الكلام ده كله ما المشكلة حلها فى اديكي

ممكن توضحيله كمان وتعرفيه شعورك

وبعدين انتى قعدتى فترة ولقيتي ان مافيش مشارع اتحركت منك تجاهه

يبقى الحل سهل وضحيله بجد مشاعرك ولازم يفهم

يبقا خلاص عادي جدا الخير فيما اختاره الله وعند والدتك ده مالهوش اى لزمه بس حاولى برضه تفهميها بأسلوب كويس وبطريقه توضحي فيها رأيك وشعورك

واتمنالك حياه سعيده cheers

اولا منوررررة المنتدى بجد
و موضوعك على فكرة سهل و صعب فى نفس الوقت
هتقوليلى ازاى ققوليك يا ستى
انتى دلوقتى مش قبلة و دة عادى مش ان الشخص كويس
طب ممكن يكون شخص عاااااااادى مش كويس زى دة و تحبية و يكون كويس
و الحاجات اللى الناس تشفها و حششة فية تشوفيها انتى حلوة
دة قبول او كمياء بين الناس و لازم تكون موجودة
لو مش موجودة خلاص يبقى مينفعش تتوجد
و تظلمى نفسك و مش مشكلة نفسك انتى انتى حرة فيها
لكن هو اية ذنبة
و كمان كلام والدتيك سامحينى ميفرقش دى حياتك و بعدين دى كدة هتظلمك انتى
و كمان هى زعلها و قتى و اول لما تخلص المشكلة هتبقى عادى يعنى
و حولى تفهميها
و يارب يكون راينا فاديك
و اتمنى ليكى حياة سعيدة

توتي انتي لما ذكرتي في الاول انك صعب تاخدي على الناس شويه..قولت في نفسي خليكي معاه شويه..واتعرفي عليه اكتر..ممكن تتعودي عليه وتحبيه مثلا او تقبليه...لكن لو في كل الاحوال انتي مش قابلاه..فانتي تسيبك من الموضوع ده خالص..وبعدين انتي لسه صغيره..ومتخفيش من غضب مامتك عليكي...لان مادام ربنا راضي على اللي بتعمليه..فتاكدي ان مامتك هتتفهم الوضع والحكايه كلها...وتحياتي يا حبيبتي...

انا من راييى ان مينفعش نحكم على الناس بالسرعة دى دة شهر انتى بتقولى يعنى متدهوش فرصة يحببك فية حتى وفكرى كويس وصلى صلاة استخارة وربنا هيدلك على اللى فى الخير لكى لان لو هو وحش هنقول محبتهوش عشان كدا بس انتى صدقينى متديهوش فرصة ادية فرصة يحببك فيةوافتحيلوا قلبك وحاولى تتقبلية

اولا انا سعيده انى بكتبلك انتى مش غلطانه ولازم تقنعى مامتك انك مش مرتاحه ولازم تتفهم الموضوع لان دى حياتك مش حياتها مع احترامى لراى والدتك وربنا مش حيغضب عليكى لان المواضيع دى لازم يكون فيها تقبل من الطرفين لاستمرار حياتكوا وتمسكى انك تكملى تعليمك لان دى اكثر حاجه تضمنيها اليومين دول ولازم تقوليله بكل احترام انك مش قادره تكملى معاه واكيد هو حيتفهم الموضوع ويتصرف بس لازم تكلمى مامتك بهداوه وربنا معاكى وتقتنع وربنا يوفقك

ربنا معاكيييييييييييييييي

عزيزتى /توتى الجميلة
انا من وجهة نظرى ان تقنعى مامتك الاول
بان لو سمعتى كلامها ممكن تتطلقى
وهترجعى البيت وحياتك وحياة العائلة كلها
هتكون شئ صعب ومؤلم
لكن لو انتى سبتى الشخص ده دلوقتى وانتوا على البر
واختارتى شخص محترم ولطيف ومؤدب
وتكون موافقة عليه واقنعيها اللى الوفاق من عند
من ربنا ولسه انت صغيرة والحياة لسه
طويلة لو عشتى مع شخص مش بتحبيه
----------------------------------
وادعى ان مامتك تتقبل وجهة نظرك وربنا معاكى
وربنا يوفقك
---------------------------------
ايمى

بصي يا توتي الي يدور علي الحب بيحب اول حد يشوفه عشان بيكون عاوز كده صدقيني الحب الصادق بيجي في حياتنا صدفه وقدر اوعي تدوري عليه خليه هو الي يدور عليكي وصدقيني مهما طال عليكي اعرفي ان كده خير علي الاقل مدخلتيش في تجربه محكوم عليها بالفشل او اتجرحتي بجد اصبري وحتلاقي وصدقيني اكيد ربنا حيعوضك خير وعسا ان تكرهو شئ وهو خير لكم ... ولو اطلعتم علي الغيب لاخترتم الواقع اصبري يا توتا نصيبك جايلك .. اجمل نعمه ادهلنا ربنا الصبر .. اصبري وحتلاقي حبيبك قدام عنيكي

بصي يا توتي الي يدور علي الحب بيحب اول حد يشوفه عشان بيكون عاوز كده صدقيني الحب الصادق بيجي في حياتنا صدفه وقدر اوعي تدوري عليه خليه هو الي يدور عليكي وصدقيني مهما طال عليكي اعرفي ان كده خير علي الاقل مدخلتيش في تجربه محكوم عليها بالفشل او اتجرحتي بجد اصبري وحتلاقي وصدقيني اكيد ربنا حيعوضك خير وعسا ان تكرهو شئ وهو خير لكم ... ولو اطلعتم علي الغيب لاخترتم الواقع اصبري يا توتا نصيبك جايلك .. اجمل نعمه ادهلنا ربنا الصبر .. اصبري وحتلاقي حبيبك قدام عنيكي

اتي ممكن ت فهميها براحه اسيبه دالوقت احسن ما اطلق منه بعد كده و اقنعيها بالراحه و لو مقطنعتش كلمي خطيبك ده ىو فهميه و اوعي توفئي على حاجه انتي مش مقطنعه بيها

ياريت تسيببه علشان مش تظلميه وتظلمى نفسك وانتى لسه قدامك المستقبل ولسه هتشوفى وهتقابلى كتير اوى وساعتها هترفى تختارى وربنا معاكى

ان من راييى ان انتى تصرى على موقفك لان ديه حاجه لازم يكونلك فيها الراى الول والخير انتى بنت والم تحب انها تفرح لبنتها انت لازم تقنعى خطيبك انك مش قادره تتقبليه وبكل احترام لان هو مش زنبه انه بيحبك وبيتهيالى ان مش ممكن انسان يرضى انه يعيش مع انسانه مش متقبلاه ............ وبالنسبه لمامتك سورى مش هى اللى ها ترتبط بس انت لازم تحترمى رايها واقنعيها ان ربنا لا يغضب على انسان اشرك به هو ربنا بيغضب على اللى يغضب مامته بس فى امر غير ده الامر فى ايدك انت اللى تقدرى تقنعى مامتك وربنا معاك وتلاقى انسان تحبيه ويحبك وتحترمى ارائه ويحترم ارائك وربنا معاكى

بصى كلمى مامتك على انك بعد الجواز مش حبتية هتعملى اية وفكرى كويس فى دى هى طبعا انك تسيبى خطيبك اهون من انك تتطلقى

توتى انتى القرار قدامك وواضح قوى مامتك ممكن بكل سهول تقنعيها دى مجرد بس مشاعر ام نفسها تفرح ببنتها والمفروض ان هى تقدر انك من قدرة تتقبلى شريك حياتك
انتى من المفروض تصرحى لى باللجواكى وهو اكيد هينسحب من حياتك
لانك لو سكتى تبقى كدة بتظلمى وبتظلمى نفسك
وربنا معاكى ويوفقق وواكيد هتلاقى الشخص اللى يحبك وتحبية وتعيشوا حياه سعيدة ان شاء الله

بصي يا توتي الاول شكرا على انك اديتي المنتدى الثقة في انك تقولي مشكلتك وبصراحة.
ثانيا انا من رايي ان دي حياة وده مستقبلك وانتي اللي حتعيشي معاه وانتي اللي تقدري تعرفي وتحددي مدى ان كنت حتقدري تبقي سعيدة في عيشتك معاه وان كنت حتقدري تسعديه
ده برده لازم تحطيه في دماغ كويس وتعرفي ان مش والدتك اللي حتعيش معاه ولازم تقنعيها ومن كلامك كده حسيت ان والدتك مرتاحه للشاب ده علشان كويس فهيا حاسه انه مناسب جدا وفرصة كويسه ليكي انك تعيشي مع انسان كويس.
المهم ان مشكلتك علشان تتحل لازم من تددخل حد من الناس اللي والدتك بتحبهم وانتي بتحبيهم ويقدروا يفهموا وجهة نظرك ويكون الحد ده امين وكويس وانتي ووالدتك بترتاحوله
علشان الانسان او الانسانة اللي حيتدخل لازم يكون مقتنع بكلامك علشان يعرف يحل المشكلة
ده رايي وانا جربته في كتير من الظروف والمشاكل ان حد يلطف الجو ما بينك وبين والدتك
ورينا يحلها من عنده من غير حد وربنا يكرمك وتلاقي الانسان اللي تحبيه وتديله كل حبك ويكون يستاهله.
شكـــــــــــــــــــــــــــــــــــــــــــــــــــــــــــــــــــــــــــــــــــــــــــرا

» محتاجه رائيكم ضرورى
» رسالة خاصة ليوسف ياريت يشوفها
» provolution sccoer 7 for 2008
» أغاني مصرية - غانا 2008- مبروك لمصر - الموضوع متجدد دائما